लाच घेणारा हवालदार फरार

घोटी | वार्ताहर Ghoti

घोटी पोलीस ठाण्यात कार्यरत असलेले पोलीस हवालदार राजाराम डगळे यांनी सरकारी कामाची पाच हजार रूपये लाच घेतली. त्यानंतर डगळे फरार झाले आहेत. त्यांच्यावर घोटी पोलिसात गुन्हा दाखल झाला आहे.

घोटी पोलीस ठाणे हद्दीतील रहिवासी यांची दुचाकी सोडवण्यासाठी डगळे यांनी तक्रारदाराकडे पाच हजार रूपयांची मागणी केली होती. तक्रारदाराने डगळे यांची याबाबत लाचलुचपत प्रतिबंधक कार्यालयात तक्रार दाखल केली होती.

तक्रारदारा कडून त्यांनी रक्कम स्वीकारल्यावर लाचलुचपत प्रतिबंधक विभागाच्या अधिकार्‍यांच्या तक्रारीवरून हवालदार डगळे यांच्याविरूद्ध भ्रष्टाचार प्रतिबंधक कायद्यानुसार घोटी पोलिसात गुन्हा दखल झाला आहे.