धुळे –
शहरातील गल्ली नंबर 6, महादेवपुरा परिसरातील अवैधरीत्या सुरू असलेल्या कत्तलखान्यावर अतिरिक्त पोलिस अधीक्षकांच्या पथकाने काल रात्री छापा टाकला.
त्यात त्यांना 110 किलो मांस जप्त करण्यात आले. तर 25 जनावरांची सुटका करण्यात आली. तेथून मांससह चाकू, सुरे, कुर्हाड, वजन काटा असा एकूण 88 हजारांचा मुद्येमाल जप्त करण्यात आला आहे
माधवपुरा परिसरात राहणारा नियाज अहमद अन्सारी हा गेल्या काही दिवसापासून अवैधरित्या कत्तलखाना चालवत असल्याची गुप्त माहिती पोलिसांना मिळाली होती.
त्यानुसार काल रात्री अकरा वाजता अप्पर पोलीस अधीक्षक राजु भुजबळ, एलसीबीचे पोलिस निरीक्षक हेमंत पाटील, उपनिरीक्षक उगले, सैय्यद, सहारे, हे.कॉ पाटील, बापू कोकणी, शोयब बेग, आतीफ शेख यांनी अन्सारीच्या घरावर छापा टाकला.
तेव्हा 110 किलो मांस व 25 जनावर व इतर साहित्य आढळून आले. याप्रकरणी नियाज अन्सारी याच्यासह तीन साथीदाराविरूध्द आझादनगर पोलीस ठाण्यात गुन्हा दाखल करण्यात आला आहे.
