करजगाव | वार्ताहर
नेवासा तालुक्यातील करजगाव, पानेगाव, शिरेगाव, लांडेवाडी, अंमळनेर, वाटापुर,तामसवाडीसह मुळाकाठ परिसरात गुरूवारी रात्री साडेबारा ते साडेचार वाजेपर्यंत विजेच्या गडगटासह जोरदार अतिवृष्टी झाली.
यामुळे परिसरातील ओढ्या-नाल्यांना मोठ्या प्रमाणात पाणी आले असुन धोक्याची पातळी ओलांडली आहे. शेतातुनही मोठ्या प्रमाणात पाणी वाहत असुन सोयाबीन, कपाशी मका तसेच चारा पिके पाण्याखाली गेले असुन इतर पिकांचे मोठे नुकसान झाले आहे. शेतात राहणा-या अनेक नागरिकांच्या घरात पाणी गेले आहे.
- Advertisement -
सुरूवातीला पाऊस न झाल्यामुळे शेतक-यांनी मोठ्या कष्टाने पिके आणली. सोंगणीस आलेली सोयाबीन, कापूस वाचण्यास आला असताना परतीच्या पावसाने मात्र शेतक-यांच्या आशेवर पाणी फेरले आहे.
