मुंबई:
नोकरीच्या शोधात असलेल्या युवावर्गासाठी मोठी आनंदाची बातमी आहे. रेल्वेमध्ये लिपिक पदांसाठी एकूण 251 पदांसाठी अर्ज मागवण्यात आले आहे. आज पासून म्हणजेच (20 डिसेंबर) पासून या पदांसाठी अर्ज करता येणार आहेत. तसेच 19 जानेवारी ही अर्ज करण्याची अखेरची तारीख आहे.
19 जानेवारी सायंकाळी 6 वाजेपर्यंत इच्छुक उमेदवारांना अर्ज करता येणार आहे. 12वी उत्तीर्ण असलेल्या उमेदवारांना कनिष्ठ लिपिक पदासाठी अर्ज करता येऊ शकतो. तसेच या उमेदवारांना टायपिंग येणे बंधनकारक आहे.
या साठी इंग्रजी 30 शब्द प्रति मिनिट आणि हिंदीचा टायपिंग स्पीड 25 शब्द प्रति मिनिट असावा लागेल तर वरिष्ठ लिपिक वर्गासाठी कोणत्याही मान्यताप्राप्त विद्यापीठाची डिग्री असणे आवश्यक आहे. अर्ज करणाऱ्या उमेदवाराचं वय 42 वर्षांपेक्षा अधिक असता कामा नये.
तसेच ओबीसी आणि एससी/एसटी वर्गातील उमेदवारांना अनुक्रमे 3 आणि 5 वर्षांची सूट देण्यात आली आहे. उमेदवारांना अर्ज करताना कोणत्याही प्रकारचं शुल्क भारावा लागणार नाही.
कंम्प्युटर बेस्ड टेस्टद्वारे उमेदवारांची निवड केली जाणार आहे. यात उत्तीर्ण होणाऱ्या उमेदवारांची टायपिंगची परीक्षा घेतली जाईल. त्यानंतर उमेदवारांच्या कागदपत्रांची पडताळणी आणि त्यांची वैद्यकीय चाचणी घेण्यात येईल. इच्छुक उमेदवारांना www.rrccr.com या वेबसाईटवर जाऊन अर्ज करावा लागणार आहे.
