लोणीतील गोळीबार प्रकरणातील चार आरोपी जेरबंद

लोणी (वार्ताहर)- राहाता तालुक्यातील लोणी येथे रविवारी श्रीरामपुरच्या फरदिन अबू कुरेशी या युवकावर बंदुकीतून गोळ्या झाडून त्याची हत्या करण्यात आली होती. श्रीरामपुरचे तीन तर लोणीतील चार आरोपी या घटनेनंतर पसार झाले होते. स्थानिक गुन्हे शाखेने त्यातील चार जणांना रात्री जेरबंद केले. त्यामध्ये संतोष कांबळे, सिराज शेख व शाहरुख शहा हे श्रीरामपूर येथील तर अरुण चौधरी या लोणी येथील आरोपींचा समावेश आहे, आणखी तीन आरोपींचा शोध सुरु आहे.