घराची भिंत कोसळून माय-लेकी जखमी

नगरसूल | प्रतिनिधी Nagarsul

आज दुपारी जोरदार बरसलेल्या पावसामुळे येथील मोठा मळा परिसरात घराची भिंत कोसळल्याने माय लेकी दोघी जखमी झाल्या. या घटनेत संसार उपयोगी वस्तू व अन्न धान्य आदीचे नुकसान झाले आहे.
.
मोठामळा येथील रहिवासी अनिल पोपट पैठणकर यांच्या घराचे पत्रे पाऊस व वादळामुळे उडाले, यावेळी घरामध्ये जेवण करत असलेल्या अनिल यांची पत्नी आशा अनिल पैठणकर आणि मुलगी सायली अनिल पैठणकर यांच्या अंगावर भिंत पडल्यामुळे आशा यांचा हात मोडला आहे तर सायली जखमी झालेली आहे.

दरम्यान जखमी आशा पैठणकर यांना येवला येथील अनिरुद्ध हॉस्पिटल येथे उपचारासाठी दाखल करण्यात आले आहे.तर जखमी सायलीवर नगरसूल येथील डॉ.खैरनार यांनी उपचार केले.