नाशिक | प्रतिनिधी | Nashik
नांदगाव नगरपरिषद निवडणुकीत थेट नगराध्यक्ष व १० प्रभागातून २० नगरसेवक रिंगणात होते .या निवडणुकीत प्रथमच शिदेसेनेचे ७ नगरसेवक बिनविरोध झाले होते. त्यामुळे १३ जागेसाठी ३६ उमेदवार रिंगणात होते. तर नगराध्यक्षपद हे जनतेतून निवडले जाणार होते. यानंतर आता नांदगाव नगरपरिषद निवडणुकीचा निकाल हाती आला असून, नगराध्यक्षपदासह शिंदे सेनेचे सर्व उमेदवार निवडून आले आहेत. त्यामुळे आमदार सुहास कांदे यांचा करिष्मा दिसून आला आहे.
नगराध्यक्षपदी सागर हिरे हे विजयी झाले आहेत. तर येवला नगरपरिषद निवडणुकीत राष्ट्रवादी काँग्रेस पार्टीचे नगराध्यक्षपदाचे उमेदवार राजेंद्र लोणारी हे १ हजार मतांनी विजयी झाले आहेत. तर त्र्यंबकेश्वर येथे नगराध्यक्षपदासाठी भाजपचे कैलास घुले आणि शिंदे सेनेच्या त्रिवेणी तुंगार यांच्यात अटीतटीची लढत होत आहे. दुसरीकडे त्र्यंबकला राष्ट्रवादीचे पाच आणि भाजपचे तीन नगरसेवक निवडून आले आहेत.
