वणी \ नांदुरी | वार्ताहर | Vani – Nanduri
सप्तशृंगी गडावर (Saptshrungi Gad) नवस पूर्तिसाठी जाणार्या भाविकांची (Devottes) गाडी दरेगाव फाट्यानजीक उलटल्याने २६ जण जखमी (Injured) झाले आहेत. तर इतर जखमी भाविकांना पुढील उपचारासाठी जिल्हा रूग्णालयात हलविण्यात आले आहे.
याबाबत अधिक माहिती अशी की, ” आज (मंगळवारी) सकाळी ८.३० वाजेच्या सुमारास पाथर्डी नाशिक येथून नवसपूर्तीसाठी सप्तशृंगी गडावर जाणरी पिकअप क्रं. एमएच.१५ जि.व्ही.४५३८ ही दरेगाव, ता.कळवण, जि. नाशिक फाट्यानजीक वळणावर चालकाचा वाहनावरील नियंत्रण सुटल्याने झालेल्या अपघातात लहान मुलांसह एकूण २६ भाविक जखमी झाले.
या अपघाताची माहिती मिळताच १०८ रुग्णवाहिकेद्वारे जखमींना वणी येथील ग्रामीण रुग्णालयात प्रथमोपचारासाठी आणण्यात आले. जखमींवर उपचार करण्यासाठी शहरातील खाजगी डॉक्टरांना देखील पाचारण करण्यात आले होते. वणी ग्रामीण रुग्णालयात (Vani Rural Hospital) डॉ.विराम ठाकरे,डॉ.अनिल पवार, डॉ. प्रकाश देशमुख, डॉ. योगेश पाटील वणी ग्रामीण रुग्णालयातील डॉ. किशोर मोरे यांनी जखमींवर प्रथमोपचार केले. तर कळवण तालुका वैद्यकीय अधिकारी डॉ. बेगाळ यांनी वणी ग्रामीण रुग्णालयात भेट देऊन जखमींची पाहणी केली.
तर आशाबाई केशव खडसे वय ३५, रोशनी गणेश बांगरे वय १९, प्रियांश अनिल जाधव वय ४, खुशी अनिल बोरकर वय ५, तनु निंबाजी खंदारे वय ०५, अनिल नामदेव बोरकर वय ३०, आयोध्या अनिल जाधव वय २० , विलास पुंडलिक पारवे वय ४५, नंदा विलास पारवे वय ४०, ओम रामकृष्ण गायकवाड वय १६ , गणेश अंबादास बोरकर वय ७ , हर्षदा अंबादास बोरकर वय २ , शारदा अंबादास बोरकर वय २५ , अंबादास ज्ञानोबा बोरकर वय ३० , रंजना एकनाथ हिवराळे वय ४८ , सखाराम सुदामराव पारवे, वय ३३, राधा सखाराम पारवे वय २५, मनकर्णाबाई शिवाजी खंदारे वय ६०, मनीषा अनिल बोरकर वय २० , गणेश श्रीकांत बांगरे वय २३ , छाया भगवान तांबे वय ३५ , एकनाथ भगवान हिवराळे वय ६५ , शिवाजी तुकाराम खंदारे वय ६० , अर्चना विलास पालवे वय १८ , शोभा निंबाजी खंदारे अशी जखमींची नावे असून, हे सर्व भाविक नाशिक व जालना (Nashik and Jalna) जिल्ह्यातील रहिवासी आहेत.
दरम्यान, यातील ५ जण गंभीर जखमी असून, जिल्हा रुग्णालयात (District Hospital) अधिक उपचारासाठी पाठविण्यात आले आहे. तसेच अपघाताची माहिती मिळताच कळवण पोलीस स्टेशन व नांदुरी आऊट पोस्टचे कर्मचारी घटनास्थळी दाखल झाले. यानंतर जखमींना मदत करण्यासाठी परिसरातील नागरीकांनी धाव घेतली. तर अपघात स्थळापासून जखमींना उपचारासाठी ग्रामीण रुग्णालयात आणण्याकरिता डॉ. मानटे, डॉ. दिघोळे, डॉ. राठोड, डॉ. भोपळे यांच्यासह रुग्णवाहिका चालक राजेश परदेशी, प्रशांत चव्हाण, प्रशांत पाटील यांनी मदत केली.
