इगतपुरी | प्रतिनिधी | Igatpuri
नाशिक-मुंबई महामार्गावरील (Nashik-Mumbai Highway) टाकेघोटी जवळील हॉटेल ग्रँड परिवार समोर मालवाहू ट्रेलरचा भीषण अपघात (A Terrible Accident) झाल्याची घटना घडली. या अपघातात चालकाचा दबून जागीच मृत्यू (Death) झाला आहे.
याबाबत अधिक माहिती अशी की,बुधवार (दि.१२) रोजी ट्रेलर क्रमांक एमएच ४६ बीयु ६८५४ हा मुंबईहून सकाळच्या सुमारास नाशिककडे (Nashik) जात असतांना या ठिकाणी असलेल्या स्पीड ब्रेकरवर ट्रेलर चालकाने अचानक ब्रेक मारला. यावेळी ट्रेलरवर असलेला लोखंडी रोल कॅबीनवर सरकल्याने ट्रेलर पलटी झाला. यांत ट्रेलरचा चालक गुड्डू कुमार (वय ३८) राहणार मुंबई याचा ट्रेलरखाली अडकून जागीच मृत्यू झाला.
दरम्यान, अपघाताची माहिती मिळताच महामार्ग सुरक्षा सहायक पोलीस निरीक्षक राम व्होंडे यांच्या मार्गदर्शनाखाली पोलीस उपनिरीक्षक सुनिल अहीरे यांनी पोलीस पथकासह तात्काळ घटनास्थळी धाव घेत एका तासाच्या अथक प्रयत्नानंतर क्रेनच्या सहाय्याने चालकाचा मृतदेह (Dead Body) बाहेर काढण्यात आला. या भीषण अपघातात ट्रेलरचा चक्काचूर झाला असुन चालकाचा मृतदेह उत्तरीय तपासणीसाठी इगतपुरी ग्रामीण रुग्णालयात (Igatpuri Rural Hospital) पाठविण्यात आला आहे.
