दिंडोरी | प्रतिनिधी | Dindori
तालुक्यातील पिंपळगाव धूम (Pimpalgaon Dhum) येथील अल्पवयीन मुलीस फूस लावून पळून नेणाऱ्या आरोपीला दिंडोरी पोलिसांनी (Dindori Police) अटक केली असून, त्याच्याविरुद्ध बाललैंगिक कायद्याअंतर्गत गुन्हा दाखल केला आहे.
याबाबत अधिक माहिती अशी की, पिंपळगाव धूम येथील अल्पवयीन तरुणीला (Girl) याच गावातील अक्षय मुरलीधर वाघेरे (वय १८) वर्ष याने लग्नाचे अमिष दाखवले व तिला घराजवळून पळून नेले. ते ननाशी येथे राहत होते. सदर मुलीवर अत्याचार झाल्याची फिर्याद मुलीच्या आईने दिल्याने दिंडोरी पोलिसांनी वाघेरे याच्यावर गुन्हा दाखल केला आहे.
दरम्यान, अधिक तपास पोलीस (Police) निरीक्षक रघुनाथ शेगर यांच्या मार्गदर्शनाखाली पोलीस उपनिरीक्षक अल्ताफ शेख, पोलिस हवालदार गोतुरणे, पोलीस हवालदार कनोज, पोलीस कॉन्स्टेबल गायकवाड, अविनाश आहेर, महिला पोलीस हवालदार गांगोडे करत आहे.
