नाशिक | प्रतिनिधी | Nashik
शहरातील टीसीएस कंपनीत (TCS Company) धार्मिक छळ आणि धर्मांतराचा प्रयत्न केल्याप्रकरणातील गुन्ह्यात नाशिक पोलीस आयुक्तालयाच्या विशेष तपास पथकाने मुख्य संशयित तौसिफ अत्तारसह चौघांना अटक (Arrested) केली आहे. जिल्हा न्यायालयाने त्यांना येत्या २९ एप्रिलपर्यंत सहा दिवसांची पोलीस कोठडी सुनावली आहे. या प्रकरणामुळे राज्यात एकच खळबळ उडाली आहे. त्यानंतर आता या प्रकरणात आणखी एक धक्कादायक माहिती समोर आली आहे.
टीसीएस प्रकरणातील संशयित दानिश शेख (Danish Shekh) याने मोबाईलमधील प्रत्येक फाईल व अॅप्लिकेशनसाठी वेगवेगळे पासवर्ड सेट केले आहेत. त्यामुळे तांत्रिक विश्लेषण करताना अडथळे निर्माण झाले. त्या अनुषंगाने संशयितास दिंडोरी रोडवरील (Dindori Road) मेरी लगतच्या न्याय सहाय्यक वैज्ञानिक प्रयोगशाळेत(एफएसएल) नेण्यात आले असून, त्याच्या फेस आयडीच्या साहाय्याने मोबाईल अनलॉक करून पुढील तपास सुरू झाला आहे.
दरम्यान, या प्रकरणाची व्याप्ती पाहता विशेष सरकारी वकील म्हणून अजय मिसर यांची नियुक्ती करण्याची मागणी पोलीस आयुक्तालयाने (Police Commissionerate) शासनाकडे केली आहे. टीसीएस प्रकरणात न्यायालयाने संशयित तौसिफ बिलाल अत्तार (३७), दानिश एजाज शेख (३२), शाहरुख हुसेन शौकत कुरेशी (३४) व रझा रफीक मेमन (३५) यांना पोलीस कोठडी सुनावली आहे.
