नवीन नाशिक | प्रतिनिधी | New Nashik
सातपूर ऑरा बार गोळीबार प्रकरणात (Satpur Firing Case) पोलीस कोठडीतून (Police Custody) न्यायालयीन कोठडीत गेलेला आरपीआयचा जिल्हाप्रमुख प्रकाश लोंढे व त्याचा मुलगा दीपक लोंढे यांना खंडणी प्रकरणी अंबड पोलिसांनी ताब्यात घेतले.
सातपूर पोलीस ठाण्यात (Satpur Police Station) ऑरा बार गोळीबारप्रकरणी दाखल गुन्ह्यानंतर लोंढे याला अटक करण्यात आली होती. न्यायालयाने पोलीस कोठडी सुनावल्यानंतर १७ ऑक्टोबर रोजी न्यायालयीन कोठडी (Judicial Custody) देण्यात आली.
दरम्यान, अंबड पोलीस ठाण्यात फिर्यादी अत्तरदे यांचा पुष्कर बंगला बळकावण्याप्रकरणी लोंढे टोळीवर खंडणीचा स्वतंत्र गुन्हा दाखल झाला होता. या प्रकरणी पुढील चौकशीसाठी अंबड पोलिसांच्या पथकाने नाशिकरोड येथील मध्यवर्ती कारागृहातून लोंढे याला ताब्यात घेतले आहे. अंबड पोलिसांनी (Ambad Police) अत्तरदे यांचा पुष्कर बंगला सील केला असून याबाबत पुढील कारवाई सुरू आहे.
