Monday, November 16, 2026
Homeक्राईमNashik Crime : मुख्याध्यापकाचा सहावीतील विद्यार्थिनीवर अत्याचार; दोघांवर गुन्हा

Nashik Crime : मुख्याध्यापकाचा सहावीतील विद्यार्थिनीवर अत्याचार; दोघांवर गुन्हा

नाशिक | Nashik

इगतपुरी तालुक्यातील (Igatpuri Taluka) टाकेद बुद्रुक येथे शिक्षकी पेशाला काळिमा फासणारी घटना घडली आहे. शाळेच्या मुख्याध्यापकाने (Principal) शिक्षकाच्या मदतीने १३ वर्षाच्या अल्पवयीन मुलीवर अत्याचार (Sexually assaulted) केल्याची घटना उघडकीस आली आहे. याप्रकरणी घोटी पोलिसांनी मुख्याध्यापक आणि वर्गशिक्षकाला अटक केली असून त्यांच्यावर गुन्हा दाखल करण्यात आला आहे.

- Advertisement -

याबाबत मिळालेल्या माहितीनुसार, सदर मुलगी येथील शाळेत सहावीच्या वर्गात शिकत असून तिला वर्गशिक्षक गोरख जोशी याने मुख्याध्यापक तुकाराम साबळेच्या घरी पाठवले. यानंतर मुख्याध्यापक तुकाराम साबळे याने अल्पवयीन मुलीवर अत्याचार करून तिला तिच्या घरी पाठवून दिले. यानंतर अल्पवयीन मुलीला घरी आल्यानंतर त्रास होत असल्याचे कुटुंबियांच्या (Family) लक्षात आले.

दरम्यान,यावेळी कुटुंबियांनी मुलीला विचारले असता पीडितेने आपबिती सांगितल्यानंतर कुटुंबीयांनी तात्काळ घोटी पोलीस ठाण्यात (Ghoti Police Station) धाव घेतली. त्यानंतर घोटी पोलिसांनी तपासाची चक्र गतीने फिरवत मुख्याध्यापक साबळे आणि वर्गशिक्षक जोशी यांना बेड्या ठोकल्या. याप्रकरणी पोलीस (Police) पुढील तपास करत असून दोषींवर कठोर कारवाई करण्याची मागणी स्थानिक नागरिकांनी केली आहे.

ताज्या बातम्या

संपादकीय : १६ नोव्हेंबर २०२६ – इस्त्रायलमध्ये राजकीय समीकरणांची कसोटी!

0
इस्त्रायलच्या राजकारणातील उलथापालथ केवळ सत्तांतराची नांदी नाही, तर देशाच्या राजकीय, सामाजिक आणि सुरक्षा धोरणांचा फेरविचार करण्याची संधीही आहे. सार्वत्रिक निवडणुकीनंतर पंतप्रधान बेंजामिन नेतान्याहू यांच्या...