नाशिक | Nashik
येथील सातपूर औद्योगिक वसाहतीमधील (MIDC) प्लास्टिक आणि खोके बनविणाऱ्या एका नामांकित कंपनीला आज सकाळी नऊ वाजेच्या सुमारास अचानक भीषण आग लागल्याची घटना घडली. आगीचे स्वरूप इतके रौद्र होते की परिसरात धुराचे प्रचंड लोट उसळले होते.
- Advertisement -
याबाबत अधिक माहिती अशी की, सदर आग (Fire) नेमकी कशामुळे लागली याचे कारण अद्याप समजू शकलेले नाही. मात्र आगीत मोठे आर्थिक नुकसान झाले आहे. तसेच कुठलीही जीवितहानी झाली नसल्याचे समजते.
दरम्यान, घटनेची माहिती मिळताच स्थानिकांनी आग विझविण्याचा प्रयत्न केला. मात्र, आगीची तीव्रता अधिक असल्याने तातडीने सातपूर अग्निशमन दलाच्या (Satpur Fire Brigade) जवानांना पाचारण करण्यात आले. यानंतर सुमारे एका तासांच्या अथक प्रयत्नांनी आग आटोक्यात आली.
