इगतपुरी । वार्ताहर
घोटी – इगतपुरी नगरपरिषदेचे नगराध्यक्ष संजय इंदुलकर हे दोन महिन्याच्या कालावधीसाठी रजेवर गेल्याने प्रभारी नगराध्यक्ष म्हणून नईमभाई खान यांची निवड करण्यात आली.
इगतपुरी नगरपरिषदेत शिवसेनेची सत्ता असल्याने नगराध्यक्ष, उपनगराध्यक्ष व समित्या सभापती शिवसेनेकडे आहेत. नगराध्यक्ष संजय इंदुलकर हे अल्प कालावधीसाठी रजेवर गेले आहेत त्यामुळे प्रभारी नगराध्यक्ष पदाची धुरा विद्यमान उपनगराध्यक्ष नईमभाई रज्जाक खान यांच्याकडे सोपविण्यात आली या निवडीचे इगतपुरी शहर व परिसरात स्वागत करण्यात येत आहे.
इगतपुरी नगरपरिषदेच्या प्रभारी नगराध्यक्षपदाची संधी मिळाली या संधीचा उपयोग इगतपुरी शहराच्या विकासासाठी करू. सध्या कोरोना विषाणूच्या दहशतीखाली सर्वजण असल्याने नागरिकांनी सोशल डिस्टिंगशनची अंमलबजावणी करावी, शासन व प्रशासनाने दिलेल्या नियमांचे पालन करावे, आपल्या परीसरात, तालुक्यात, शहरात कोरोनाचा प्रादुर्भाव होऊ नये यासाठी शहरवासीयांनी काळजी घ्यावी असे आवाहन नवनियुक्त प्रभारी नगराध्यक्ष नईमभाई खान यांनी केले.
