नाशिक | प्रतिनिधी
येत्या 27 ऑगस्टपासून राज्यभरात गणेशोत्सवाला प्रारंभ होत आहे. या पार्श्वभूमीवर गणेशोत्सव काळात विविध मंडळांकडून उभारण्यात येणाऱ्या मंडप व इतर रचनांवर महानगरपालिका घेत असलेले परवानगी शुल्क यंदा माफ करण्याचे आदेश राज्य शासनाने दिले आहेत.
जलसंपदा मंत्री (विहीर, तापी व कोकण खोरे विकास महाराष्ट्र) गिरीश महाजन यांनी याबाबतचे पत्र नाशिक महापालिका प्रशासनाला पाठविले आहे. गणेश मंडळांकडून वारंवार होत असलेल्या विनंत्या व मागण्यांचा विचार करून हा निर्णय घेण्यात आला आहे.
गणेशोत्सव हा सार्वजनिक भावनांचा उत्सव असल्याने नागरिकांना आर्थिक दिलासा मिळावा, यासाठी मंडप व स्टेज परवानगी शुल्क रद्द करण्याचे निर्देश देण्यात आले आहेत. महापालिकांनी याबाबत योग्य ती कार्यवाही करावी, असेही आदेशात नमूद करण्यात आले आहे.
हे ही वाचा: Nashik News: पिंपळगाव खांबमध्ये मध्यरात्री बिबट्या जेरबंद
यामुळे नाशिकसह राज्यभरातील गणेश मंडळांना मोठा दिलासा मिळणार असून गणेशोत्सव अधिक उत्साहात आणि सुलभतेने साजरा होणार आहे.
देशदूतच्या व्हाट्सॲप ग्रुपला जॉईन होण्यासाठी लिंकवर क्लिक करा
