नाशिक | प्रतिनिधी | Nashik
गणेशोत्सव २०२६ सुरळीत, सुरक्षित व निर्विघ्न वातावरणात पार पडावा यासाठी नाशिक शहर पोलीस आयुक्तालयाने (Nashik City Police Commissionerate) शहरातील तब्बल ४०२ उपद्रवींवर २७ सप्टेंबर २०२६ पर्यंत शहरातून हद्दपारीची कारवाई केली आहे.
पोलीस आयुक्त संदीप कर्णिक (Sandeep Karnik) यांच्या मार्गदर्शनाखाली भारतीय नागरिक सुरक्षा संहिता, २०२३ मधील कलम १६३ अन्वये हे प्रतिबंधात्मक आदेश जारी करण्यात आले आहेत. शहराच्या जुन्या व मध्यवर्ती भागांपेक्षा (परिमंडळ-१) औद्योगिक, कामगार आणि विस्तारणाऱ्या उपनगर पट्ट्यात (परिमंडळ-२) पोलिसांनी कारवाईची सर्वाधिक कुऱ्हाड चालवली आहे. एकूण ४०२ हद्दपारींपैकी तब्बल २७५ कारवाया (६८.४१ टक्के) एकट्या परिमंडळ-२ मध्ये झाल्या आहेत.
दरम्यान, यामध्ये सातपूर (५३), उपनगर (४६) आणि अंबड (४०) या भागात सर्वाधिक गुन्हेगारी प्रवृत्तीच्या घटकांवर आळा घालण्यात आला आहे. कायदा व सुव्यवस्थेला बाधा आणणाऱ्या कोणाचीही गय केली जाणार नसून, संवेदनशील ठिकाणी सीसीटीव्ही आणि गस्तीद्वारे विशेष लक्ष ठेवले जात आहे.
पोलीस ठाणेनिहाय हद्दपार
परिमंडळ – १ (उपायुक्त: मोनिका राऊत)
आडगाव – ०७
पंचवटी -२२
म्हसरूळ – १०
भद्रकाली – २४
सरकारवाडा -११
गंगापूर – २२
मुंबईनाका -३१
एकूण परिमंडळ – १- १२७
परिमंडळ – २ (उपायुक्त: किशोर काळे)
अंबड – ४०
सातपूर – ५३
इंदिरानगर – ३६
एमआयडीसी – २५
नाशिकरोड – ४२
उपनगर – ४६
देवळाली कॅम्प – ३३
एकूण परिमंडळ – २- २७५
एकूण शहर कारवाई ४०२
