Sunday, February 9, 2025
Homeब्रेकिंग न्यूजकुर्ल्यानंतर पुन्हा बेस्ट बसचा अपघात; बसखाली आल्यामुळे पादचाऱ्याचा मृत्यू

कुर्ल्यानंतर पुन्हा बेस्ट बसचा अपघात; बसखाली आल्यामुळे पादचाऱ्याचा मृत्यू

मुंबई | Mumbai

कुर्ला येथील बेस्ट बस अपघाताची (Kurla Best Bus Accident) घटना ताजी असतानाच आता सीएसएमटी परिसरात (CSMT Area) बसचा अपघात झाला आहे. या अपघातात एका व्यक्तीचा मृत्यू (Death) झाला असून सीएसएमटी बस स्थानकाच्या जवळ हा अपघात झाला आहे. अपघातानंतर बसच्या धडकेत जखमी झालेल्या व्यक्तीला जवळील रुग्णालयात दाखल करण्यात आले होते. परंतु, डॉक्टरांनी त्याला मृत घोषित केले.

- Advertisement -

दोन दिवसांपूर्वी कुर्ला येथे बेस्टच्या एका बसने भरधाव वेगात अनेक वाहनांना (Vehicles) धडक देत काही पादचाऱ्यांना उडवले होते. या दुर्घटनेत सात लोकांचा मृत्यू (Death) झाला असून ४९ लोक जखमी झाले. या अपघातामुळे मुंबई हादरल्यानंतर आता पुन्हा एकदा बेस्ट बसचा अपघात झाला. सीएसटीएम परिसरात ए २६ क्रमाकांच्या बसने एका व्यक्तीला चिरडले. ज्यात सदर व्यक्तीचा जागीच मृत्यू झाला. छत्रपती शिवाजी महाराज टर्मिनस परिसरात सदर अपघात घडला असून या अपघाताचा एक व्हिडीओ सध्या व्हायरल होत आहे.

दरम्यान, कुर्ला येथे सोमवारी झालेल्या बस अपघाताची चौकशी करण्यासाठी आणि तातडीने नुकसानभरपाई देण्यासाठी बेस्ट उपक्रमाने समिती स्थापन केली आहे. त्याचबरोबर मृतांच्या नातेवाईकांना तातडीची मदत म्हणून दोन लाख रुपये देण्याची घोषणाही करण्यात आली आहे.तसेच अपघातानंतर मुंबई वाहतूक पोलिसांनी (Police) एक्सवर वाहतूक वळविल्याची माहिती दिली. “बेस्ट बस अपघातामुळे वालचंद हिराचंद मार्ग जंक्शनवर (आझाद मैदान) वाहतूक संथ गतीने सुरू आहे”, अशी माहिती एक्सवर देण्यात आली.

- Advertisment -spot_img

ताज्या बातम्या