श्रीनगर : मंगळवारी उत्तर काश्मीरमधील अनेक भागात हिमस्खलनाच्या घटनेत चार सैनिक ठार झाले आहे. कुपवाडा जिल्ह्यातील तंगधार सेक्टरमध्ये एका सैनिकी कॅम्प हिमस्खलनाच्या कचाट्यात सापडला. त्यामधील अनेक सैनिक बेपत्ता असल्याचे समजते. या घटनेत भारतीय लष्कराच्या तीन जवानांचा मृत्यू झाल्याची माहिती आहे तर याचवेळी बांदीपोराच्या गुरेझ सेक्टरमध्ये आर्मी पेट्रोलच्या गस्तीत झालेल्या हिमवृष्टीमुळे एक जवान शहीद झाला.

दरम्यान उत्तर काश्मीरमधील बर्‍याच भागात मंगळवारी संध्याकाळी उशिरा हिमस्खलनाच्या घटना घडल्या. काश्मीरमधील कुपवाडा आणि बांदीपोरा जिल्ह्यात हिमस्खलनाच्या वेगवेगळ्या घटनांमध्ये अनेक जवान बेपत्ता असल्याची माहिती मिळाली आहे. बेपत्ता जवानांना शोधण्यासाठी एआरटीचे शर्थीचे प्रयत्न चालू आहेत.

नुकत्याच सियाचीन ग्लेशियरमध्ये हिमस्खलनाच्या वेगवेगळ्या घटनांमध्ये अनेक जवानांनी आपले प्राण गमावले आहेत. सियाचीन जगातील सर्वात उंचावरील ठिकाण म्हणून ओळखले जाते. तीन दिवसांपूर्वीच सियाचीनच्या दक्षिणेकडील भागात हिमस्खलनात लष्कराचे दोन जवान शहीद झाले होते. यापूर्वी १८ नोव्हेंबर रोजी सियाचीन ग्लेशियर येथे झालेल्या भीषण हिमस्खलनात भारतीय सैन्य दलातील चार सैनिक ठार झाले होते.

सियाचीनमध्येसुद्धा अशा प्रकारच्या अपघातात भारतीय लष्कराच्या शेकडो जवानांनी आपले प्राण गमावले आहेत. आकडेवारीनुसार सन १९८४ पासून सियाचीनमध्ये हिमस्खलनाच्या घटनांमध्ये ३५ अधिकाऱ्यांसह १ हजारहून अधिक सैनिक शहीद झाले आहेत. २०१६ मध्ये अशाच घटनेत मद्रास रेजिमेंटचा शिपाई हनुमानंतप्पा यांच्यासह एकूण १० लष्करी जवानांचा मृत्यू बर्फात अडकल्याने झाला होता.

छत्तीसगढ : नारायणपूर येथील इंडो-तिबेट सीमा पोलिस (आयटीबीपी) शिबिरात धक्कादायक घटना घडली असून घटना घडली. जवानांमधील परस्पर वादानंतर झालेल्या गोळीबारात तब्बल सहा सैनिकांचा मृत्यू झाला असून २ जवान जखमी आहेत. बुधवारी (दि. ०४) सकाळच्या सुमारास हि घटना घडली. सुट्टीच्या वादानंतर ही सनसनाटी घटना घडली आहे.

दरम्यान नारायणपूर या ठिकाणी इंडो-तिबेट सीमा पोलीस कॅम्प चालू असतांना हि घटना घडली. सुट्टीच्या कारणावरून हि घटना घडल्याचे प्राथमिक माहिती आहे. जखमी सैनिकांना हेलिकॉप्टरने रायपूर येथे हलविण्यात आले आहे.

बस्तर जिल्ह्याचे पोलिस महानिरीक्षक सुंदरराज पी म्हणाले की, नारायणपूर जिल्ह्यातील काडेनर गावात आयटीबीपीच्या ४५ व्या बटालियनच्या कॅम्पमधील सैनिकांमध्ये गोळीबार झाला. एका कॉन्स्टेबलने या गोळ्या घातल्या असून हल्ल्यानंतर स्वतःही गोळी मारल्याची माहिती मिळते आहे. या घटनेनंतर आर्मी कॅम्पमध्ये घबराटीचे वातावरण निर्माण झाले आहे.

भारतीय-अमेरिकन वंशाचे गुगलचे मुख्य कार्यकारी अधिकारी सुंदर पिचई यांच्यावर आणखी मोठी जबाबदारी आली आहे. गुगलचीच मूळ कंपनी असलेल्या अल्फाबेटच्या मुख्य कार्यकारी अधिकारी (सीईओ) पदाची जबाबदारीही आता सुंदर पिचई पाहणार आहेत.

या जबाबदारीसोबतच सुंदर पिचई आता जगातील सर्वात शक्तीशाली कॉर्पोरेट व्यक्तीमत्व बनले आहेत. गुगलचे सहसंस्थापक लॅरी पेज आणि सर्गे ब्रिन यांनी अल्फाबेटचं नेतृत्त्व करणार नसल्याची घोषणा केली आहे.

गूगलचे सीईओ भारतीय वंशांचे सुंदर पिचाई यांना नवी जबाबदारी मिळाल्यानंतर त्यांनी ट्विटरच्या माध्यमातून सांगितले आहे. गूगलची उपकंपनी असलेल्या एल्फाबेटचे सीईओ पदाची जबाबदारी देण्यात येणार आहे.

गूगल बनविणाऱ्या लैरी पेज और सर्गेई ब्रिन कुटुंबाला वेळ देण्याचे कारण देत आपले पद सोडले आहे. त्यामुळे या पदाची जबादारी सुंदर पिचाई यांना देण्यात आली आहे.

मुंबई : कॉंग्रेसचे माजी केंद्रीय मंत्री पी. चिदंबरम यांना आज सर्वोच्च न्यायालयाने जामीन मंजूर केला आहे. हा जामीन सशर्त असून २ लाखांच्या जातमुचलक्यावर पी. चिदंबरम यांची आज दिल्लीच्या तिहार जेलमधून सुटका होणार आहे.

दरम्यान आयएनएक्स मीडिया हाऊस या प्रकरणात अटक करण्यात आलेल्या चिदंबरम यांना आज सकाळी जमीन मंजूर करण्यात आला. २१ ऑगस्ट रोजी त्यांना दिल्ली येथील निवासस्थानाहून अटक करण्यात आली होती. त्यानंतर जामीनासाठी केलेल्या अर्जावर वारंवार सुनावणी झाली मात्र त्यांचा सुटकेचा मार्ग मोकळा होत नव्हता. परंतू आज ईडी गुन्ह्यामधून चिदंबरम यांना दिलासा मिळाला आहे.

हे प्रकरण म्हणजे आयएनएक्स मीडिया मनी लॉन्ड्रिंग होय. यामध्ये पी.चिदंबरम यांचे पुत्र ईडीने कार्ती चिदंबरम याना ईडीने डंका देत ५४ कोटींची संपत्ती जप्त केली होती. यावेळी पी. चिदंबरम हे गायब झाल्याने पोलिसांनी त्यांनी राहत्या घरी अटक केली.