मयत धरणगाव तालुक्यातील
पारोळा प्रतिनिधी-
तालुक्यातील बोळे येथे दि ७ रोजी दुपारी १ वाजे दरम्यान रस्त्याच्या फाट्यावर उभ्या असलेल्या एकास भरधाव वेगाने जाणाऱ्या मोटरसायकलने धडक दिल्याने त्याचा जागीच मृत्यू झाला.
याबाबत गणेश उत्तम सोनवणे रा.वाघळूद ता.धरणगाव यांनी पारोळा पोलीस स्टेशनला माहिती दिली कि तो व त्याचा मित्र रवींद्र गायबू पाटील रा.अकुलखेडा ता.चोपडा हे दोन्ही पल्म्बिंगची कामे करतात दि ७ रोजी ते दोन्ही जण धुळे येथे कामानिम्मित गेले होते.
कामाचा शोध घेवून ते परतीच्या मार्गावर असताना ते शिरूड मार्गे बोळे फाट्यावर दुपारी एक वाजता आले असता दुसऱ्या वाहनांची वाट बघत गणेश हा मोबाईल बघत होता तर रवींद्र हा लघु शंका करण्यासाठी जात असताना तामसवाडी कडून भरधाव वेगाने येणाऱ्या अज्ञात मोटरसायकल ने त्यास जोरदार धडक दिली त्यात त्याच्या डोक्यास जबर मार लागल्याने तो रस्त्यातच रक्ताच्या थारोळ्यात पडून जागीच मयत झाला.
याबाबत गणेश सोनवणे च्या तक्रारी वरून अज्ञात मोटरसायकल चालक विरोधात गुन्हा दाखल होयून पुढील तपास हे कॉ बापू पाटील करत आहे.
