बेलगाव कुर्हे | प्रतिनिधी Belgaon Kurhe
वाडीवर्हे पोलीस ठाणे हद्दीत आज मुळेगांव, पारवेवाडी व कुशेगांव या गावांत अवैध दारु धंदे व गावठी दारुच्या भट्टयांवर कारवाई करण्यात आली. सुमारे 5 लाखांचा मुद्देमाल नष्ट करण्यात आला आहे.
- Advertisement -
आज सकाळी 8 वाजे पासुन पोलीस अधिकारी व अंमलदरांची 3 पथके डोंगरमाथ्यावर जंगलात भर पावसात पायी चालत जावुन कारवाई करत होते. आज टाकण्यात आलेल्या छाप्यात गावठी दारु, गावठी दारु बनविण्याचे रसायन व साहित्य असा एकुण 4 लाख 79 हजार 800 रुपयांचा माल नष्ट करण्यात आला.
कारवाईचे पोलीस अधीक्षक बाळासाहेब पाटील, अपर पोलीस अधीक्षक आदित्य मिरखेलकर व उपविभागीय पोलीस अधिकारी हरीष खेडकर यांनी स्वागत केले आहे. या कारवाईत सहभागी सर्व अंमलदारांचे अभिनंदन करून यापुढेही कार्यवाही करण्यात येणार असल्याचे सांगितले.
