बेलापूर |वार्ताहर| Belapur
येथील भूमिपुत्र राष्ट्रसंत स्वामी गोविंददेव गिरी यांची अयोध्या येथील श्रीराम मंदिर ट्रस्टच्या महासचिवपदी सर्वानुमते नियुक्ती करण्यात आली. काल अयोध्या येथे श्रीराम मंदिर ट्रस्टच्या बैठकीत नुतन पदाधिकार्‍यांची निवड करण्यात आली. त्यात पुर्वीचे कोषाध्यक्ष स्वामी गोविंद देव गिरी यांची महासचिवपदी तर दिल्ली येथील परोपकारी व्यक्तिमत्व असलेले महेश भागचंद यांची कोषाध्यक्षपदी नियुक्ती करण्यात आली. अयोध्येचे माजी लोकप्रतिनिधी मदन मोहन पांडे आणि शिकोहाबाद येथील शिक्षणतज्ज्ञ निर्मला यादव यांची विश्वस्तपदी नियुक्ती झाली आहे.
बेलापूरला आनंदोत्सव साजरा
बेलापूरचे भूमिपुत्र तसेच राष्ट्रसंत स्वामी गोविंद देव गिरी यांच्या निवडीचे वृत्त समजताच गावात फटाक्यांची आतिषबाजी तसेच जय श्रीरामच्या घोषणा देत ग्रामस्थ आणि श्रीराम भाविक भक्तांनी आनंदोत्सव साजरा केला.
