नाशिक | प्रतिनिधी
59 व्या महाराष्ट्र राज्य हौशी मराठी नाट्य स्पर्धेत नाशिक केंद्रातून अथर्व ड्रॅमॅटिक्स अकॅडमी या संस्थेच्या ‘द लास्ट व्हाईसरॉय’ या नाटकाने प्रथम पारितोषिक पटकावले. तर ओझरच्या एच.ए.ई. डब्लू.आर.सी रंगशाखा या संस्थेच्या ‘प्रार्थनासूक्त’ या नाटकाला द्वितीय पारितोषिक जाहीर झाले आहे. या दोन्ही नाटकांची अंतिम फेरीसाठी निवड करण्यात आली आहे. नाट्यसेवा थिएटर्स, नाशिक या संस्थेच्या ‘साधे आहे इतकेच’ या नाटकाला तृतीय पारितोषिक मिळाले.

नाशिकच्या परशूराम सायखेडकर नाट्यगृहात 15 नोव्हेंबर ते 1 डिसेंबर या कालावधित या स्पर्धा पार पडल्या. या स्पर्धेत एकुण 18 नाट्यप्रयोग सादर करण्यात आले. स्पर्धेसाठी परीक्षक म्हणून शाम अधटराव , संदीप देशपांडे, व किर्ती मानेगांवकर यांनी काम पाहीले. सर्व पारितोषिक विजेत्यांचे सांस्कृतिक कार्य संचालक विभीषण चवरे यांनी अभिनंदन केले आहे.

स्पर्धेचा निकाल असा-
दिग्दर्शन – प्रथम-महेश डोकफोडे(द लास्ट हाईसरॉय), द्वितीय -हेमंत सराफ (प्रार्थनासुक्त) प्रकाशयोजना-प्रथम-कृतार्थ कंसारा(द लास्ट व्हाईसरॉय), द्वितीय-आकाश पाठक(प्रार्थनासूक्त), नेपथ्य-प्रथम मंगेश परमार(द लास्ट व्हाईसरॉय), द्वितीय गणेश सोनावणे(काठपदर), रंगभूषा-प्रथम-माणिक कानडे(द लास्ट व्हाईसरॉय), द्वितीय- सुरेश भोईर(ड्रीम युनिवर्स). उत्कृष्ट अभिनय रौप्य पदक – अक्षय मुडवदकर, पूनम पाटील( द लास्ट व्हाईसरॉय)

यांना अभिनयासाठी गुणवत्ता प्रमाणपत्रे-
पूनम देशमुख (नाटक-साधे आहे इतकेच), प्राजक्ता भांबारे(भोवरा), मनिषा शिरसाठ(काठपदर), भावना कुलकर्णी(प्रेमा तुझा रंग कसा), पल्लवी ओढेकर(कहाणी मे ट्विस्ट), समाधान मुर्तडक(अरे देवा), संदेश सावंत (प्रार्थनासुक्त), विक्रम गवांदे(वारुळ), आदित्य भोंम्बे(साधे आहे इतकेच) कुंतक गायधनी(अंधायुग)

हे नाटक लिहण्यासाठी मला साडे तीन वर्ष लागली. नाटकासाठी एकुण 13 पुस्तकांचा संदर्भ घेण्यात आला आहे. आम्ही सर्व कलाकार गेल्या सहा महिन्यापासून नाटकाची तालीम करत होतो. त्यामुळे नाटकाला मिळालेले ंहे यश संपूर्ण टीम चे आहे. रंगभूमीची जर प्रामाणिक सेवा केली तर यश हमखास मिळते याचा प्रत्यय आलां आहे. कारण हे माझे तिसरे नाटक असून माझी तीनही नाटके नंबरात आली आहे.
-महेश ककडोकफोडे- लेखक/ दिग्दर्शक ‘द लास्ट व्हाईसरॉय

नाशिक : त्र्यंबकेश्वर येथील कुशावर्त तीर्थतील पाणी शुद्धीकरणासाठीबाबत प्रस्ताव सादर करण्यात यावा, अशा सूचना मुख्यमंत्री उद्धव ठाकरे यांनी पर्यटन आणि सांस्कृतिक कार्य विभागातील वरिष्ठ अधिकाऱ्यांना दिली. मंत्रालयात आज यासंदर्भात झालेल्या बैठकीत ते बोलत होते.

दरम्यान मुख्यमंत्री उद्धव ठाकरे यांनी प्रथमच या बैठकीत मुंबई येथील मत्सालय उभारणीबाबत बोलतांना त्र्यंबकेश्वर येथील कुशावर्ताचाही उल्लेख केला. या ठिकाणी असणाऱ्या कुशावर्तात लाखो भाविक स्नान करतात. त्यामुळे येथे योग्य त्या उपाययोजना करणे गरजेचे असल्याचे यावेळी त्यांनी सांगितले.

जिल्ह्यातील भाविकांचे श्रद्धास्थान असलेल्या त्र्यंबकेश्वर जोतिर्लिंग हे महत्वाचे ठिकाण मानले जाते. या ठिकाणी कुशावर्त तीर्थ असून कुंभमेळा व इतर दिवशी लाखो भाविक स्नान करीत असतात. परंतु कालांतराने येथील पाणी अस्वच्छ होत असते. त्यासाठी देखील फिल्टरेशनकरिता मागील कुंभमेळ्यात फिल्टरेशन प्लँट उभारण्यात आला आहे. त्याची क्षमता खालावल्याने सध्या योग्य ती स्वच्छता होत नाही. दरम्यान काल झालेल्या बैठकीत मुख्यमंत्री उद्धव ठाकरे यांनी कुशावर्तातील पाणी शुद्धीकरणासाठीही उपाययोजना कराव्यात, अशा सूचना अधिकाऱ्यांना दिल्या आहेत.

दरम्यान कुशावर्ताच्या जलशुद्धीकरणासाठी येथील नगरपालिका दरमहा ३० हजार रुपयांपेक्षा अधिक वीजबिल नगर पालिका अदा करीत असते. इतके पैसे खर्च करुनही पाणी शुद्ध होत नसेल तर या फिल्टरेशन प्लँटची क्षमता तपासण्याची आवश्यकता आहे. कुशावर्ताच्या शुद्धीकरणासाठी सन २०१५च्या सिंहस्थ कुंभमेळ्यात अडीच कोटी रुपये खर्च करून हा फिल्टरेशन प्लँट उभारण्यात आला आहे.

महाराष्ट्र जीवन प्राधिकरणने तीन वर्षे हा प्लँट चालवला आणि नंतर पालिकेस हस्तांतरीत केला. तथापि तीन वर्षांपासून सुरू असलेले जलशुद्धीकरण चौथ्या वर्षांनंतर त्याची गुणवत्ता खालावली आहे. त्यामुळे मुख्यमंत्री उद्धव ठाकरे यांनी कामास गती दिल्यास पाण्याची शुद्धता कायम ठेवण्यास यश येईल.