इंदिरानगर | वार्ताहर

बंद घराचे कुलूप तोडून चोरट्यांनी 80 हजार रुपयाचा एवज चोरून नेल्याची घटना सिद्धिविनायक हाऊसिंग सोसायटी येथे घडली आहे. पोलिसांनी दिलेल्या माहितीनुसार शशिकांत ठाकरे (वय 56, रा. बंगला नंबर 19 सिद्धिविनायक हौसिंग सोसायटी, इंदिरानगर ) हे 30 नोव्हेंबर ते 4 डिसेंबर पर्यंत बाहेरगावी गेले होते.

त्याच दरम्यान अज्ञात चोरट्यांनी त्यांच्या बंगल्याचे कुलूप तोडून 55 हजार रुपयांचे सोने व रोख तीस हजार रुपये असा एकूण 80 हजार रुपयांचा ऐवज चोरून नेला. या प्रकरणी इंदिरानगर पोलीस ठाण्यात भा. द. वि. कलम 380, 454, 45 नुसार गुन्हा दाखल करण्यात आला असून पुढील तपास वरिष्ठ पोलीस निरीक्षक महेंद्र चव्हाण यांच्या मार्गदर्शनाखाली पोलिस उपनिरीक्षक बाकले करीत आहेत.

चौसाळे | वार्ताहर

दिंडोरी तालुक्यातील चौसाळे ग्रुप ग्रामपंचायतीत नुकतीच सरपंच पदाची निवडणूक झाली त्यात भास्कर यशवंत जोपळे यांची निवड झाली आहे. ग्रामपंचायतचे सरपंच कै. पोपट हिरामण तुंगार हे आजारपणा मुळे मयत झाल्यामुळे सरपंच पदाची रिक्त जागा झाली होती. पिंगळवाडी येथिल सदस्य कांताबाई पंडीत भरसठ ह्या पण मयत झाल्या मुळे दोन सदस्य पदाची पोट निवडणूक लागली परंतु एक हि उमेदवार नी फार्म न भरल्यामुळे सात सदस्य मधे सरपंच पदाची निवडणुक घेण्यात आली.

सरपंच पदी भास्कर जोपळे, मथाबाई जाधव, चंद्रभागाबाई तुंगार, हिरामण गावित, वसंत भरसठ, मिराबाई चौधरी, या सहा उमेदवारांनी अर्ज केले होते. त्यात मथाबाई जाधव व चंद्रभागाबाई तुंगार यांचे अर्ज बाद झाले. वसंत भरसठ, मिराबाई चौधरी यांनी माघार घेतली. सरपंच पदासाठी भास्कर जोपळे व हिरामण गावित यांचे अर्ज होते. भास्कर जोपळे यांना बहुमत असल्याने सरपंच पदी निवड करण्यात आली.

यावेळी निवडणूक आधिकारी राठोड, ग्रामसेवक जे.एच पवार यांच्या उपस्थितीत सरपंच निवड पार पडली. उपस्थितीत ग्रामस्थांनी सरपंच भास्कर जोपळे यांचे अभिनंदन केले.

नाशिक | प्रतिनिधी

तानाजी चित्रपटात छत्रपती शिवरायांचा इतिहास चुकीचा दाखविला गेला आहे. चित्रपटातील वादग्रस्त प्रसंग वगळण्यासाठी संभाजी ब्रिगेड आक्रमक झाली असून हा भाग तात्काळ वगळावा अन्यथा तीव्र आंदोलन छेडले जाईल असा इशारा देत नाशिक येथील सिटी सेंटर मॉल येथील चित्रपट गृहाच्या संचालकास निवेदन दिले.

दरम्यान, नेहमीच बहुजन महापुरुषांच्या बाबतीत सजग राहणाऱ्या संभाजी ब्रिगेडच्या कार्यकर्त्यांना चित्रपटात चुकीचा इतिहास दाखविला जात असल्याचे समजताच संभाजी ब्रिगेडचे जिल्हाध्यक्ष डॉ. स्वप्निल इंगळे, जिल्हा सचिव नितिन रोठे पाटील, महानगर प्रमुख प्रफुल्ल वाघ, जिल्हा सरचिटणीस विक्रम गायधनी, जिजाऊ ब्रिगेडच्या जिल्हा कार्याध्यक्ष रोहिणी सोनवणे यांनी आक्रमक पवित्रा घेत सिटी सेंटर मॉल येथील चित्रपटगृहाच्या मालकास या चित्रपटात काही दृष्य चूकीची दाखविली जात असून तात्काळ हा भाग वगळावा अशी समज दिली व हा वादग्रस्त भाग न वगळल्यास तीव्र आंदोलनाचा इशारा दिला यास आपण जबाबदार राहणार असा इशारा देत निवेदन दिले.

यावेळी जय जिजाऊ, जय शिवराय, छत्रपती शिवाजी महाराज की जय, शुर सरदार तानाजी महाराज की जय, बहुजन महापुरुषांची
बदनामी थांबविलीच पाहिजे अशा घोषणा देत सिटी सेंटरचा परिसर दणाणुन गेला होता.

चित्रपटात दाढीवाली व्यक्ति बसली असून तो व्यक्ति शिवाजी महाराजांना लाकडी वस्तु फेकून मारतात हा प्रसंग चुकीचा आहे. यात शिवरायांची बदनामी होत आहे.

-डॉ स्वप्निल इंगळे, जिल्हाध्यक्ष संभाजी ब्रिगेड

चित्रपटात अभिनेत्री काजोलच्या तोडूंन शिवरायांची तलवार जेव्हा चालते तेव्हा ब्राम्हणांचे जानवे सुरक्षित राहते असे वाक्य आहे. मात्र शिवरायांचे राज्य हे अठरा पगड़जातींचे राज्य होते. या चित्रपटात संकुचित दाखवित बदनामी केली आहे ही चूकीची दृष्य वगळावी अन्यथा चित्रपट प्रदर्शित होऊ देणार नाही.

-नितिन रोठे पाटील,जिल्हा सचिव संभाजी ब्रिगेड

सुरगाणा | वाजिद शेख 

योग्य मार्गदर्शन मिळाल्यानंतर जिद्द चिकाटी परिश्रम करण्याची तयारी असल्याच्या मोठ्या उतारारीवर पडीत मुरमाड जमिनीवर ही केसर आंब्याची हिरवीगार बाग फुलविता येते,हे सुरगाणा तालुक्यातील भदर येथील शेतकरी रमेश भिका थोरात व त्याच्या पत्नी भदर गामपंचायतचे संरपच झंपाबाई थोरात व त्याच्या कुटुंबियांनी दाखवुन दिले.सुरगाणा तालुक्यातील आदिवासी शेतक-यासमोर थोरात यांनी एक आदर्श उभा केला आहे.

सुरगाणा शहरापासून अवघ्या चार किलोमीटर अंतरावर रमेश थोरात यांची शेतजमिण आहे, त्याच्याकडे असलेल्या एकुन मुरमाड जमिनी पैकी मोठा उतार असलेली एक ते दिड एकर जमीन मुरमाड असल्याने वर्षानुवर्षा पासुन पंडीत होती.कोणतेही पिक घेतले जात नव्हते. साधारण दहा वर्षांपासून त्याच्या घरी मोहमाळ येथिल शिक्षक काशिनाथबाबा गागुडे सर याच्या सोबत संपर्क व येणे-जाने झाले.गागुडे व शेतकरी थोरात या दोघांची मुरमाड जमिनीवर केशर आब्याची बाग लावण्यास रमेश थोरात व पत्ती झंपाबाई थोरात.

या दोघांना जमिनीवर केशरआब्याची बाग लावण्यास सल्ला दिला. मुरमाड जमिनीवर काय आब्याची रोपे कशी वाढतील अशी थोरात याना शंका होती. माञ गागुडे सर यानी त्याना उभारी दिली. अखेर थोरात यांनी गुजरात राज्यातून ६०-७० रूपये दराने केसर आब्याची ७५० रोपे खरेदी केली व पडीत मुरमाड जमिनीवर साधारण आठ बाय दहा फुटांच्या अंतरावर लावली. पाण्याची व्यवस्था ठिबक सिचनने करण्यात आली.

संपूर्ण लागवडीपासुन ते आतापर्यंत मार्गदर्शन महात्मा फुले कृषी विद्यापिठ कांदा व दाक्ष संशोधन केंद पिपळगाव बंसवत येथिल कमलाकर जाधव, विजय धुम, रामदास खैरनार, दिलीप गवारे हे थोरात याच्या शेतात जाऊन मार्गदर्शन नेहमी करत राहतात. विशेष म्हणजे घेतलेल्या योग्य सल्यामुळे योग्य मार्ग दर्शन व मेहनती मुळे सर्वच्या सर्व झाडे केसर आंब्याची रोपे डौलाने उभी राहिली.